Իսպանիայի նավահանգիստ Է ժամանել Open Arms նավը՝ 300 անօրինական միգրանտներով. El Pais

ԵՐԵՎԱՆ, 28 ԴԵԿՏԵՄԲԵՐԻ, ԱՐՄԵՆՊՐԵՍ: Open Arms նավը՝ ավելի քան 300 միգրանտներով, դեկտեմբերի 28-ի առավոտյան ժամանել Է Իսպանիայի Կադիսի նահանգի (Անդալուսիայի Ինքնավար Մարզ) նավահանգիստ: Այդ մասին, ինչպես տեղեկացնում Է «Արմենպրես»-ը, հայտնել Է El Pais թերթը: Թերթի տեղեկատվությամբ՝ անօրինական միգրանտներով նավը, որոնց մեկ շաբաթ առաջ փրկել Էին Լիբիայի ափերի մոտ, նավահանգիստ Է մտել տեղական ժամանակով 09:00-ին (Երեւանի ժամանակով 12:00-ին):

Դեկտեմբերի 22-ին Իսպանիայի կառավարությունն Open Arms-ին թույլատրել Էր մտնել պիրենեական թագավորության տարածքային ջրեր: Մինչ այդ Եվրոպայի մի շարք երկրներ, այդ թվում՝ Իտալիան եւ Մալթան, նավին մերժել Էին այդ իրավունքը: Ինչպես ավելի վաղ հայտնել Է Միգրացիայի միջազգային կազմակերպությունը, տարեսկզբից ի վեր Միջերկրական ծովով Եվրոպա են ժամանել շուրջ 113 հազար միգրանտ ու փախստական: Ըստ որում ամենից շատ անօրինական միգրանտներ՝ 56 հազար, ընդունել Է Իսպանիան, հաղորդել Է ՏԱՍՍ-ը: