Ֆրանսիայի Ազգային ժողովը հավանություն տվեց երկրում բողոքների վերաբերյալ Մակրոնի առաջարկներին
3 րոպեի ընթերցում
![Ֆրանսիայի Ազգային ժողովը հավանություն տվեց երկրում բողոքների վերաբերյալ Մակրոնի առաջարկներին](http://armenpress.am/resized/480/static/news/b/2018/12/958964.jpg)
ԵՐԵՎԱՆ, 21 ԴԵԿՏԵՄԲԵՐԻ, ԱՐՄԵՆՊՐԵՍ: Ֆրանսիայի Ազգային ժողովը (խորհրդարանի ստորին պալատը) լույս դեկտեմբերի 21-ի գիշերը հավանություն Է տվել այն ճգնաժամից դուրս գալու վերաբերյալ երկրի նախագահ Էմանուել Մակրոնի առաջարկներն ամփոփող օրինագծին, որը պայմանավորված Է «դեղին բաճկոնավորների» շարժման բողոքի ակցիաներով: Այդ մասին, ինչպես տեղեկացնում Է «Արմենպրես»-ը, հայտնել Է «Ֆրանսպրես» գործակալությունը: Նրա տվյալներով՝ հաջակցություն օրինագծի արտահայտվել Է 153 պատգամավոր, դեմ ինը, 58 խորհրդարանական ձեռնպահ Է մնացել քվեարկությունից: Ինչպես նշում Է գործակալությունը, նախագիծը դեկտեմբերի 21-ին կներկայացվի Սենատի (խորհրդարանի վերին պալատի) քննարկմանը:
Ֆրանսիայի նախագահ Էմանուել Մակրոնը դեկտեմբերի 10-ի երեկոյան ուղերձ Է հղել ազգին՝ հայտարարելով այն որոշումների մասին, որոնք ինքն ընդունել Է «դեղին բաճկոնների» ելույթների հետ կապված ճգնաժամի ֆոնին:
Մակրոնը, մասնավորապես, խոստացել Է 2019 թվականից ամսական նվազագույն աշխատավարձի 100 եվրոյով բարձրացում, այս տարվա վերջին լրացուցիչ չհարկվող պարգեւավճար աշխատող ֆրանսիացիներին, հարկերի վերացում այն թոշակառուների համար, որոնց թոշակը ցածր Է 2 հազար եվրոյից:
«Դեղին բաճկոնավորների» ցույցերը, որոնք բողոքում են գների աճի եւ հարկերի ավելացման դեմ, Ֆրանսիայում անցկացվում են նոյեմբերի 17-ից: Ցուցարարների կողմից կազմակերպված ակցիաների թիվը հասնում Է հազարների: Երկրում արդեն հինգ անգամ շաբաթ օրերին անցկացվել են բողոքի համազգային օրեր, որոնք Փարիզում, Բորդոյում, Նանտում եւ մի շարք այլ քաղաքներում ուղեկցվել են ոստիկանության հետ արմատականների զանգվածային բախումներով:
Ֆրանսիայի ՆԳ նախարարության ներկայացուցիչը հայտնել Է, որ երկրում «դեղին բաճկոնավորների» շարժման շրջանակներում բողոքի ակցիաների սկսվելուց ի վեր տուժել Է գրեթե երեք հազար մարդ, այդ թվում՝ հազարից ավելի իրավապահներ: նա նշել Է, որ նոյեմբերի կեսերից շարունակվող բողոքների ընթացքում տուժել են 1843 քաղաքացիական անձ եւ 1048 իրավակարգի պահապան: Անկարգությունների զոհերի թիվը, որոնցով ուղեկցվել են բողոքի ակցիաները, հասել Է իննի, հաղորդել Է ՏԱՍՍ-ը: