Ֆրանսիայում «դեղին բաճկոնավորների» ակցիաների ընթացքում զոհվածների թիվը հասել Է իննի

ԵՐԵՎԱՆ, 20 ԴԵԿՏԵՄԲԵՐԻ, ԱՐՄԵՆՊՐԵՍ: Ֆրանսիայում թվով իններորդ մարդն Է զոհվել «դեղին բաճկոնավորների» ցույցերի ընթացքում: Դեկտեմբերի 20-ին BFM հեռուստաալիքի եթերում այս մասին հայտնել Է Ֆրանսիայի ներքին գործերի նախարար Քրիստոֆ Կաստաները, տեղեկացնում Է «Արմենպրես»-ը:

France Presse գործակալության տվյալներով՝ զոհվածը 61 տարեկան Էր: Միջադեպը տեղի Է ունեցել դեկտեմբերի 20-ի առավոտյան այն պահին, երբ կցանքով բեռնատարը փորձել Է շրջանցել խճուղում բենզինաբաշխիչ սյունակի մոտ կանգնած բեռնատարին: Ցուցարարն անսպասելիորեն ավտոմեքենայի հետեւից դուրս Է եկել ճանապարհ եւ վրաերթի ենթարկվել բեռնատարի կողմից: Ոստիկանության տվյալներով՝ վրաերթ կատարած վարորդը բերման Է ենթարկվել ու վերցվել կալանքի տակ:

«Այդ ցույցն անցկացվում Էր Աժան քաղաքի մերձակայքում (Լոտի եւ Գարոնի դեպարտամենտ)՝ ճանապարհի խաչմերուկներից մեկում՝ անվտանգության բոլոր կանոնների խախտմամբ»,- ընդգծել Է նախարարը: Մահացու վախճանով միջադեպերն սկսել են տեղի ունենալ նոյեմբերի կեսերին «դեղին բաճկոնավորների» բողոքների հենց ամենասկզբից: Դրանց մեծ մասը կապված Է ճանապարհատրանսպորտային պատահարների հետ, որոնք տեղի Էին ունենում, երբ ցուցարարներն ավտոճանապարհներին ու խաչմերուկներում փակում Էին կամ սահմանփակում երթեւեկությունը, հաղորդել Է ՏԱՍՍ-ը: