2 րոպեի ընթերցում
Հետազոտության ընթացքում հոգեբան Քրիս Բոյլը նաեւ պարզել Է, որ երեխաներից շատերը չեն վախենում հայտնվել անհնազանդների ցուցակում եւ հաճախ ծնողների առջեւ կեղծավորում են՝ պաշտպանելով առասպելը: Գիտնականի եզրակացությունները հիմնված են ամբողջ աշխարհի 1,2 հազար մեծահասակների պատասխանների վրա, որոնք գլխավորապես անդրադարձել են մանկական հիշողություններին:
Հարցման մասնակիցների ավելի քան երրորդ մասը (34 տոկոսը) կցանկանար հեքիաթային հերոսի նկատմամբ հավատը պահպանել նաեւ չափահաս դառնալով. նույնքան հարցվածներ Էլ կարծում են, որ առասպելը նպաստել Է մանկության շրջանում իրենց լավ վարքագծին:
Ընդ որում՝ 47 տոկոսը կապ չի նկատել իր վարքագծի եւ Սանտայի նկատմամբ հավատի միջեւ: Հարցման մասնակիցների 30 տոկոսից ավելին պատմել են, որ վշտացել են, երբ իմացել են, որ Սանտան գոյություն չունի, 10 տոկոսը ցասումով Է լցվել, իսկ 15 տոկոսն իրեն խաբված Է զգացել իր ծնողների կողմից:
Չնայած դրան, հարցվածների միայն 30 տոկոսն Է կարծում, որ առասպելի պսակազերծումը ազդել Է մեծահասակների նկատմամբ իրենց վստահության վրա: Իսկ մեծամասնության (56 տոկոս) համար այդ նորությունը ավագներին պակաս վստահելու առիթ չի դարձել:
Ծնողների 72 տոկոսը խոստովանում Է, որ իրենց հաճույք Է պատճառում ընտանիքում առասպելի պահպանումը, թեեւ 40 տոկոսն իրենց երեխաներին ճշմարտությունն Է պատմել, եթե նրանք ուղղակիորեն հարցրել են Սանտայի մասին, հաղորդել Է ՏԱՍՍ-ը: