Քրեակատարողական հիմնարկներում մի շարք բարեփոխումներ են տեղի ունեցել
1 րոպեի ընթերցում
![Քրեակատարողական հիմնարկներում մի շարք բարեփոխումներ են տեղի ունեցել](http://armenpress.am/resized/480/static/news/b/2018/12/958059.jpg)
ԵՐԵՎԱՆ, 13 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանի Հանրապետության քրեակատարողական հիմնարկներում 2017-2018 թթ. լուծվել է գերբեռնվածության խնդիրը:
«Արմենպրես»-ի հաղորդմամբ՝ այս մասին, «Մարդու իրավունքների խախտումները ՔԿՀ-ներում 2017-2018 թթ.» թեմայով քննարկման ժամանակ ասաց ՀՀ արդարադատության փոխնախարար Սուրեն Քրմոյանը:
Նրա խոսքով՝ այսօր արդեն ՔԿՀ-ներում կա 2305 պահվող անձ, ինչն աննախադեպ թիվ է:
«Այս փաստը կախված է ոչ միայն համաներումից, այլև պայմանական վաղաժամկետ ազատման, ռեժիմների փոփոխության արդյունքից, այսինքն՝ ընդհանրական բարեփոխումների շնորհիվ»,- նշեց Քրմոյանը:
ՀՀ ԱՆ փոխնախարարն ընդգծեց, որ ոլորտում կան մի շարք բարեփոխումներ, օրինակ՝ պայմանական վաղաժամկետ ազատման նոր ինստիտուտ, որն արդեն իսկ գործարկվել է, ինչպես նաև ներման նոր կառուցակարգեր:
«Շատ լուրջ փոփոխություններ են իրականացվել նաև բանտային առողջապահության, ցմահ ազատազրկման դատապարտվածների իրավունքների պաշտպանության ոլորտներում և այլն»,- շեշտեց Սուրեն Քրմոյանը: