Այաթոլլա Խամենեին ԱՄՆ-ին մեղադրել է երկրում պատերազմ սանձազերծելու փորձերի մեջ

1 րոպեի ընթերցում

ԵՐԵՎԱՆ, 12 ԴԵԿՏԵՄԲԵՐԻ, ԱՐՄԵՆՊՐԵՍ: ԱՄՆ-ը փորձում Էր խարխլել Իրանի անվտանգությունը եւ պատերազմ սանձազերծել երկրում, բայց Վաշինգտոնը չկարողացավ դա անել: Այդ մասին, ինչպես տեղեկացնում Է «Արմենպրես»-ը, հայտարարել Է Իսլամական Հանրապետության գերագույն ղեկավար այաթոլլա Ալի Խամենեին:

«Իրանական ազգի դեմ ամերիկյան պլանը բացահայտված Է, իսկ մեկ այլ պլան, որը կարողանար մեզ հարված հասցնել, նրանք չունեն: Այն ամենն, ինչ նրանք կարող Էին անել, արդեն արել են: ԱՄՆ-ի պլանն այն Է, որ պատժամիջոցների ու մեր անվտանգության դեմ քայքայիչ աշխատանքի օգնությամբ կարողանան ստեղծել խնդիրներ, հակասություններ եւ քաղաքացիական պատերազմ սանձազերծեն մեր երկրում»,- հայտարարել Է Խամենեին, որի խոսքը հրապարակված Է Twitter-ում նրա Էջում:

Այդուհանդերձ, ինչպես նշել Է Իրանի առաջնորդը, երկրին անհրաժեշտ Է զգոնություն պահպանել , որովհետեւ ԱՄՆ-ը կարող Է «աղմուկ բարձրացնել» եւ հակաիրանական պլան մշակել հաջորդ տարվա համար: Նրա խոսքով՝ առայժմ ԱՄՆ-ին չի հաջողվել որեւԷ բան անել:

Բաժանորդագրվեք մեր ալիքին Telegram-ում