Ընդդիմությունը Վրաստանի նախագահի երդմնատվության օրը կուղեւորվի Թելավի
2 րոպեի ընթերցում
![Ընդդիմությունը Վրաստանի նախագահի երդմնատվության օրը կուղեւորվի Թելավի](http://armenpress.am/resized/480/static/news/b/2018/12/957916.jpg)
ԵՐԵՎԱՆ, 12 ԴԵԿՏԵՄԲԵՐԻ, ԱՐՄԵՆՊՐԵՍ: «Ուժը միասնության մեջ Է» ընդդիմադիր միավորումը, որի մեջ մտնում Է «Միասնական ազգային շարժում» նախկին իշխող կուսակցությունը, պլանավորում Է բողոքի ակցիա անցկացնել Թելավիում, որտեղ դեկտեմբերի 16-ին տեղի Է ունենալու նորընտիր նախագահ Սալոմե Զուրաբիշվիլիի պաշտոնակալման արարողությունը, տեղեկացնում Է «Արմենպրես»-ը:
Ընդդիմադիր միավորումը հրաժարվում Է ճանաչել նախագահական ընտրությունների արդյունքները: Ընդդիմադիրները իշխանություններին մեղադրում են ընտրողների կաշառման եւ ահաբեկման միջոցով ընտրությունները կեղծելու մեջ: Դեկտեմբերի սկզբին նրանք բողոքի ընդգրկուն ակցիա անցկացրեցին Թբիլիսիի կենտրոնում եւ վերջնագիր ներկայացրեցին իշխանություններին՝ մինչեւ դեկտեմբերի 16-ը ստեղծել իրենց պահանջների կատարման աշխատանքային խումբ: Գլավոր պահանջներից մեկը վաղաժամկետ խորհրդարանական ընտրությունների անցկացումն Է: «Քանի որ նրանք չանսացին մեր փոխզիջումային առաջարկություններին, դեկտեմբերի 16-ին մենք խաղաղ ակցիա կանցկացնենք Թելավիում: Դա կլինի կլինի խաղաղ ցույց, որին կմասնակցեն միավորված ընդդիմության բոլոր կուսակցությունները»,- բրիֆինգում հայտարարել Է«Միասնական ազգայինշարժման» անդամ, Վրաստանի նախագահի թեկնածու Գրիգոլ Վաշաձեն: Նրա խոսքով՝ Թելիից բացի, ակցիաներ կանցկացվեն Թբիլիսիում եւ Վրաստանի մի քանի այլ քաղաքներում: Առավել ընդգրկունն, այնուամենայնիվ, պլանավորվում Է Թելավիում, հաղորդել Է Sputnik-ը: