Կառավարությունը ՄԻԵԴ վճիռներով քաղաքացիներին կփոխհատուցի 3000 և 4500 եվրո
1 րոպեի ընթերցում
![Կառավարությունը ՄԻԵԴ վճիռներով քաղաքացիներին կփոխհատուցի 3000 և 4500 եվրո](http://armenpress.am/resized/480/static/news/b/2018/11/956281.jpg)
ԵՐԵՎԱՆ, 29 ՆՈՅԵՄԲԵՐԻ, ԱՐՄԵՆՊՐԵՍ: Մարդու իրավունքների եվրոպական դատարանի վճիռներն անվերապահորեն կատարելու նպատակով կառավարությունն Արդարադատության նախարարությանը հատկացրեց 3000 և 4500 եվրոյին համարժեք դրամ:
Ինչպես փոխանցում է «Արմենպրես»-ը, ՄԻԵԴ-ի «Հովհաննիսյանն ընդդեմ Հայաստանի» գործով 2018 թվականի հուլիսի 19-ի վճռի համաձայն` ՀՀ-ն դիմումատուին պարտավոր է վճիռն օրինական ուժի մեջ մտնելուց հետո երեք ամսվա ընթացքում վճարել 3000 եվրոյին համարժեք դրամ: Նշված գործով ՄԻԵԴ-ի վճիռն օրինական ուժի մեջ է մտել 2018 թ. հոկտեմբերի 19-ին: Վճռով սահմանված հատուցման գումարի վճարման վերջնաժամկետը 2019 թ. հունվարի 19-ն է:
ՄԻԵԴ-ի «Այվազյանն ընդդեմ Հայաստանի» գործով 2018 թ. հոկտեմբերի 18-ի վճռի պահանջները կատարելու նպատակով կառավարության պահուստային ֆոնդի հաշվին կհատկացվի 4 500 եվրոյին համարժեք դրամ: