«Ազգային առաջընթաց» կուսակցության ծրագրում առաջնային հարցերից է միջին խավի ձևավորումը

3 րոպեի ընթերցում

ԵՐԵՎԱՆ, 26 ՆՈՅԵՄԲԵՐԻ, ԱՐՄԵՆՊՐԵՍ: «Ազգային առաջընթաց» կուսակցությունն իր նախընտրական ծրագրով մի շարք փոփոխություններ է առաջարկում կրթության և սոցիալական ոլորտներում: Նախատեսում են ապաքաղաքականացնել դպրոցների ղեկավարման խորհուրդները, իսկ սոցիալական ոլորտում էական փոփոխությունների համար կարևորում են միջին խավի ձևավորումը:

«Արմենպրես»-ի հաղորդմամբ` կուսակցության թեկնածուներն իրենց նախընտրական ծրագիրը ներկայացրին լրագրողների հետ հանդիպմանը:

«Մեր կուսակցության կարգախոսն է «Նոր իրավիճակ, նոր լուծումներ»: Քաղաքական դաշտում փորձում ենք առաջ տանել ոչ թե անձերին, այլ գաղափարախոսությունը: Մենք սոցիալական բարեփոխումների փաթեթ ունենք: Մենք փորձում ենք նոր իրավիճակին համահունչ նոր լուծումներ բերել»,-ասաց կուսակցության մամուլի խոսնակ Հայկ Գրիգորյանը:

Ռեյտինգային ընտրակարգով կուսակցության թեկնածու Հայկ Փայտյանը շեշտեց, որ մեծ փոփոխություններ են նախատեսում կրթության ոլորտում: «Առաջին հերթին ապակուսակցականցնելու ենք դպրոցները: Դպրոցների ղեկավարման խորհուրդները պետք է ապակուսակցականացվեն: Բուհերը կդառնան ինքնաֆինանսավորվող, ինչը մրցակցային նոր իրավիճակ կստեղծի: Կրթությունը տեսնում ենք որպես տնտեսության գերակա ճյուղ»,-ասաց Փայտյանը:

Նրա կարծիքով` բուհերը պետք է դառնան այնպիսին, որ արտերկրից շատ մարդիկ գան այստեղ ուսանելու: Դա կուսակցության անդամների համոզմամբ` խթանելու է տնտեսության զարգացումը:

Հայկ Գրիգորյանը շեշտեց, որ իրենք սոցիալական ոլորտում թիրախավորում են միջին խավը: «Կայուն ժողովրդավարական պետություն ունենալու համար պետք է ունենալ միջին խավ, որը խոցելի չէ: Մեր ծրագրում միջին խավի ձևավորումն առաջնային է: Մենք առաջարկում ենք, որ եկամտային հարկի սանդղակը լինի ավելի ճկուն: Մինչ 200 հազար աշխատավարձը պետք է հարկվի 10 տոկոսով: Նախատեսում ենք կենսաթոշակային կուտակային վճարը դարձնել կամավոր»,-ասաց նա:

Համամասնական ցուցակով առաջադրված թեկնածու Լուսինե Հարոյանի խոսքով` առաջին բարեփոխումների շարքում իրենք կարևոր են համարում նաև պատգամավորի կարգավիճակի փոփոխությունը: Հետամուտ են լինելու, որ վերանա պատգամավորի անձեռնմխելիության ինստիտուտը: «Հետամուտ ենք լինելու, որ պատգամավորի ետկանչի ինստիտուտը ևս գործի: Մենք նախատեսել ենք, որ նստաշրջանի ընթացքում 25 տոկոս անհարգելի բացակայությունների արդյունքում պատգամավորը հետ կանչվի»,-ասաց Հարոյանը:

Արտաքին քաղաքականության ոլորտի համար ևս առաջարկներ ունեն: Կարևոր են համարում գազի գնի իջեցումը: «Արցախի որոշ շրջանների վերաբնակեցման ուղղությամբ ևս պետք է աշխատանքներ տարվեն»,-եզրափակեց Փայտյանը:

Հայերեն English Русский

Հայաստանն ու Եգիպտոսը քննարկել են առևտրի ոլորտում համագործակցությունը խորացնելու հեռանկարները

Հայաստանի պատմության թանգարանն ու Աթենքի ազգային հնագիտական թանգարանը համատեղ ցուցահանդեսներ կիրականացնեն

Վահան Կոստանյանը հանդիպել է ՄԱԿ-ի գլխավոր քարտուղարի՝ Սիրիայի հարցերով հատուկ բանագնացի տեղակալի հետ

ՀՀ պաշտպանության նախարարի տեղակալն այցելել է մի շարք զորամասեր

Ռազմական ոստիկանության պետն աշխատանքային խորհրդակցություն է անցկացրել

Հրապարակվել են նոյեմբերի 29-ին կայանալիք ՏԻՄ ընտրությունների վերջնական ցուցակները

Հայաստանում առաջիկա օրերին սպասվում են տեղումներ, օդի ջերմաստիճանը զգալիորեն կնվազի

Արմավիրի մարզի մի շարք բնակավայրերում փորձարկվելու են էլեկտրական շչակներ

Փրկարարներն արձագանքել են քամու հետևանքով գրանցված դեպքերին

Վահան Կոստանյանը Նեապոլում հանդիպել է Իտալիայի խորհրդարանի արտաքին հարաբերությունների հանձնաժողովի նախագահի հետ