Իրանում երկրաշարժից տուժածների թիվը հասել է 550-ի
1 րոպեի ընթերցում
![Իրանում երկրաշարժից տուժածների թիվը հասել է 550-ի](http://armenpress.am/resized/480/static/news/b/2018/11/955800.jpg)
ԵՐԵՎԱՆ, 26 ՆՈՅԵՄԲԵՐԻ, ԱՐՄԵՆՊՐԵՍ: Իրանի արեւմուտքի Քերմանշահի նահանգում երկրաշարժից տուժածների թիվը հասել Է 550-ի: Այդ մասին, ինչպես տեղեկացնում Է «Արմենպրես»-ը, հայտնել Է Press TV տեղական հեռուստաալիքը:
Ցնցումներին զգացվել են Քերմանշահի եւ Իլամի նահանգներում, ինչպես նաեւ Բաղդադում եւ Ադրբեջանում: Ավելի վաղ հաղորդվել Էր 361 տուժածների մասին Քերմանշահի նահանգի երեք քաղաքներում Գիլյանգարբում, Կասրում եւ Սերե Պոլե Զոհաբում: Rudaw իրաքյան հեռուստաալիքը հայտնել Է Իրաքյան Քրդաստանում մեկ մարդու զոհվելու մասին, եւս 43 հոգի տուժել են:
Եվրոպական միջերկրածովյան սեյսմոլոգիական կենտրոնի տվյալներով՝ 6,3 մագնիտուդով երկրաշարժը տեղի Է ունեցել նոյեմբերի 25-ին իրանա-իրաքյան սահմանի շրջանում: Ցնցումները գրանցվել են տեղական ժամանակով ժամը 16:37-ին: Երկրաշարժի օջախը տասը կիլոմետր խորության վրա: Էպիկենտրոնը գտնվում Էր Բաղդադից 150 կմ հյուսիս-արեւելք ընկած շրջանում, Սերե Պոլե Զոհաբ քաղաքից 37 կմ հեռավորության վրա, հաղորդել Է ՌԻԱ Նովոստին: