ԵՐԵՎԱՆ, 23 ՆՈՅԵՄԲԵՐԻ, ԱՐՄԵՆՊՐԵՍ: Թեհրանը կարող Է փոխել դիրքորոշումը միջուկային գործարքի նկատմամբ, եթե Իրանի քաղաքացիներն զգան, որ այն չի համապատասխանում իրենց տնտեսական շահերին: Այդ մասին, ինչպես նոյեմբերի 23-ին հայտնել Է PressTV հեռուստաալիքը, հայտարարել Է Իրանի արտաքին գործերի նախարար Մոհամադ Ջավադ Զարիֆը, տեղեկացնում Է «Արմենպրես»-ը:
«Մենք կողմնորոշվում ենք ժողովրդի դիրքորոշմամբ: Հենց այդ գործոնն Է հանգուցային,-ասել Է Զարիֆը:-Եթե Իրանի քաղաքացիները գտնեն, որ գործարքը չի համապատասխանում իրենց տնտեսական շահերին, ապա մենք ստիպված կլինենք կատարել ժողովրդի կամքը»:
Նախարարն ընդգծել Է, որ Գործողությունների համատեղ համապարփակ ծրագրի շուրջ նոր բանակցություններ սկսելն իմաստ չունի: «Ինչու մենք պետք Է բանակցությունները վերսկսենք միայն այն պատճառով, որ ինչ-որ մեկն ատում Է իր նախորդին»,-ասել Է Զարիֆը՝ նկատի ունենալով ԱՄՆ-ի նախագահ Դոնալդ Թրամփի անբարյացակամությունը Սպիտակ տան նախորդ ղեկավար Բարաք Օբամայի նկատմամբ, որի օրոք կնքվել Է ԳՀՀԾ-ն: Նախարարը հավելել Է, որ «դիվանագիտական մակարդակով նման պատճառը չի կարող բավարար համարվել, քանի որ դիվանագիտությունը լուրջ խաղ Է», հաղորդել Է ՏԱՍՍ-ը: