Հովհաննես Գաբուզյանը երկրորդն է Ցինցինատիի մրցաշարում 

ԵՐԵՎԱՆ, 15 ՆՈՅԵՄԲԵՐԻ, ԱՐՄԵՆՊՐԵՍ: Հայաստանը ներկայացնող գրոսմայստեր Հովհաննես Գաբուզյանը Ցինցինատիի մրցաշարում երկրորդն է:

«Արմենպրես»-ի հաղորդմամբ` ԱՄՆ Ցինցինատի քաղաքում տեղի ունեցավ Kings Island Open միջազգային մրցաշարը, որին մասնակցում էր 47 շախմատիստ, այդ թվում՝ 8 գրոսմայստեր: Մրցաշարի մասնակիցների թվում էր Հայաստանի 2017 թվականի չեմպիոն, գրոսմայստեր Հովհաննես Գաբուզյանը:

Մեր շախմատիստը 7 հնարավորից վաստակեց 4.5 միավոր և Անդրեյ Ստուկոպինի հետ կիսեց 1-2-րդ հորիզոնականները:

Լրացուցիչ ցուցանիշների հաշվարկից հետո Գաբուզյանը հայտնվեց 2-րդ հորիզոնականում: