ԵՐԵՎԱՆ, 13 ՆՈՅԵՄԲԵՐԻ, ԱՐՄԵՆՊՐԵՍ: Վրաստանում Եվրամիության նորանշանակ դեսպան Կառլ Հարցելն այն կարծիքին Է, որ հանրապետությունում նախագահական ընտրությունների երկրորդ փուլից առաջ ընտրարշավը բացասական ընթացք ունի, տեղեկացնում Է «Արմենպրես»-ը:
«Մենք վերստին նախընտրական արշավի բավականին բացասական զարգացում ենք տեսնում: Բայց դա նույնպես ընտրություն Է, դա այն թեկնածուների ընտրությունն Է, որոնք մասնակցում են դրան: Ատելության ու սպառնալիքների լեզուն, իհարկե, անընդունելի Է»,- նոյեմբերի 13-ին հայտարարել Է դեսպանը լրագրողներին: Նա նաեւ հույս Է հայտնել, որ իրավապահ մարմինները կհետաքննեն նախագահի թեկնածու Սալոմե Զուրաբիշվիլիի հասեցին սպառնալիքների փաստով գործը:
Նախօրյակին Սալոմե Զուրաբիշվիլին հայտնել Է, որ իրեն ու իր երեխաներին կյանքից զրկելու սպառնալիքներով հեռախոսային հաղորդագրություններ են ստացվել Վրաստանի նախկին նախագահ Միխեիլ Սահակաշվիլիի կողմից հիմնադրված «Միասնական ազգային շարժում» կուսակցության կողմնակիցներից: Նա կոչ Է արել իրավապահ մարմինների ներկայացուցիչներին՝ համապատասխան միջոցներ ձեռնարկել:
Վրաստանի նախագահական ընտրությունների երկրորդ փուլը, որին մասնակցում են խորհրդարանի պատգամավոր Զուրաբիշվին, որին ակտիվորեն աջակցում Է «Վրացական երազանք» իշխող կուսակցությունը, եւ «Միասնական ազգային շարժում» նախկին իշխող կուսակցության թեկնածու Գրիգոլ Վաշաձեն, պետք Է կայանա մինչեւ դեկտեմբերի 2-ը, հաղորդել Է ՌԻԱ Նովոստին: