368.54
Հուշարձանով հողատարածք գնելու դեպքում սեփականատերը պարտավորվելու է ֆինանսավորել հուշարձանի վերակառուցումը. Երևանի գլխավոր ճարտարապետ
1 րոպեի ընթերցում
ԵՐԵՎԱՆ, 6 ՆՈՅԵՄԲԵՐԻ, ԱՐՄԵՆՊՐԵՍ: «Հին Երևան» նախագծում ընդգրկված ոչ մի հուշարձան չի քանդվելու: «Արմենպրես»-ի հաղորդմամբ` այս մասին Երևանի քաղաքապետարանում լրագրողների հետ հանդիպմանը հայտարարեց Երևանի գլխավոր ճարտարապետ Արթուր Մեսչյանը: Նրա խոսքով` դա վերաբերվում է նաև Արամի 23-ին և հարակից բոլոր հուշարձաններին:
«Անհրաժեշտ կլինի փոխել նախագծային լուծումներ, որպեսզի այդ շենքերը պահպանվեն: Պատմական հուշարձանների քանդման թեման եկեք համարենք սպառված»,-հորդորեց նա՝ վստահեցնելով, որ քանի դեռ ինքը Երևանի գլխավոր ճարտարապետն է, ոչ մի հուշարձան չի քանդվելու: «Այն սեփականատերերը, կառուցապատողները, ովքեր կգնեն որևէ հողատարածք, որտեղ կգտնվի որևէ հուշարձան, նրանք պարտավոր կլինեն ֆինանսավորել այս հուշարձանի վերակառուցման աշխատանքները: Սա այն է, ինչ չի եղել և լինելու է անպայման»,-ընդգծեց գլխավոր ճարտարապետը:
Արթուր Մեսչյանը նշեց, որ Երևանի կենտրոնում կան շինարարություններ, որոնք ինքն արդեն կանգնեցրել է, մինչ կլինեն տրամաբանական լուծումներ: «Կարծում եմ՝ հնարավորինս կպակասեցնեմ այն ցավը, որ այսօր տանջում է մեր բնակիչներին, և դրանից կշահի մեր քաղաքն ու բնակիչները»,-նշեց նա:
Բաժանորդագրվեք մեր ալիքին Telegram-ում