Այվազովսկու կտավը կդառնա Christie's-ի գլխավոր լոտերից մեկը

ԵՐԵՎԱՆ, 1 ՆՈՅԵՄԲԵՐԻ, ԱՐՄԵՆՊՐԵՍ: Հովհաննես Այվազովսկու «Մայրամուտը Վենետիկում» կդառնա Christie's աճուրդի տանը (Լոնդոն) նոյեմբերի 26-ին անցկացվելիք աճուրդի գլխավոր լոտերից մեկը: Ինչպես փոխանցում է «Արմենպրես»-ը, այդ մասին տեղեկացնում է ՏԱՍՍ-ը: Ընդհանուր առմամբ աճուրդում վաճառքի է ներկայացվելու 268 լոտ:

Այվազովսկու «Մայրամուտը Վենետիկում» կտավը գնահատվում է 400-600 հազար ֆունտ ստեռլինգ (515-775 ԱՄՆ դոլար): 1873 ստեղծված կտավը վերջին 20 տարում արվեստի շուկայում չի հայտնվել: Ջոն Կլյուգեի մասնավոր հավաքածուի նկարի վաճառքից ստացված եկամուտն ուղղվելու է Նյու Յուրքի Կոլումբիայի համալսարանին: