Սալոմե Զուրաբիշվիլին արտակարգ հայտարարություն է անելու

ԵՐԵՎԱՆ, 30 ՀՈԿՏԵՄԲԵՐԻ, ԱՐՄԵՆՊՐԵՍ: Վրաստանի նախագահի անկախ թեկնածու Սալոմե Զուրաբիշվիլին, որին աջակցել Է «Վրացական երազանք-ժողովրդավարական Վրաստան» իշխող կուսակցությունը, առաջին հայտարարությունը կանի ընտրություններից հետո, տեղեկացնում Է «Արմենպրես»-ը:

Երկրում նախագահական ընտրությունները կայացել են հոկտեմբերի 28-ին: Ընտրական մրցավազքի առաջատարը դարձել Է Զուրաբիշվիլին (38,64 տոկոս), նրան հաջորդել Է միավորված ընդդիմությունից թեկնածու Գրիգոլ Վաշաձեն (37,73 տոկոս): Քանի որ նրանցից ոչ ոք չի հաղթահարել 50-տոկոսանոց շեմը, երկրում կկայանա ընտրությունների երկրորդ փուլ:

«Այսօր երեկոյան ժամը 8-ին իմ հայտարարությունը կլինի ուղիղ եթերում»,- գրել Է Զուրաբիշվիլին Facebook սոցիալական ցանցի իր Էջում:

Մինչ այդ նա ամեն կերպ խուսափում Էր ԶԼՄ-ների հետ շփումներից, չնայած լրագրողների ջանքերին: Այսպես, նախօրյակին թղթակիցները նրան «բռնել Էին» փողոցում, սակայն Զուրաբիշվիլին թիկունք Էր դարձրել նրանց, ասելով, թե ԶԼՄ-ների հարցերին կպատասխանի, «երբ նրանց կկանչեն»: Զուրաբիշվիլիի այս գործելակերպը տարբեր լուրերի տեղիք Է տվել ԶԼՄ-ներում: Իշխող կուսակցությունում աղբյուրի խոսքով, «Վրացական երազանք-ժողովրդավարական Վրաստան» կուսակցության հիմնադիր եւ նախագահ Բիձինա Իվանիշվիլին կուսակցության ղեկավարներին ասել Է, որ «եթե ընտրությունների երկրորդ փուլում Զուրաբիշվիլին չկարողանա համոզիչ հաղթանակ տանել, ապա ոմանք կհայտնվեն քաղաքական աղբանոցում»:

Իշխող կուսակցությունում ակնկալում Էին, որ Զուրաբիշվիլիի հաղթանակ կտանի արդեն առաջին փուլում: Խոսակցություններ են ծավալվում նաեւ այն մասին, որ Զուրաբիշվիլին «Վրացական երազանքին» մեղադրել Է այն բանում, որ իր նախընտրական արշավը հարկ եղած ձեւով չի մշակվել եւ Իվանիշվիլիին սպառնացել Է իր թեկնածությունը հանել ընտրություններից: Վրաստանում նախագահական ընտրությունների երկրորդ փուլը տեղի կունենա մինչեւ դեկտեմբերի 2-ը, հաղորդել Է Sputnik-ը: