Արմեն Գրիգորյանը կմասնակցի Մյունխենյան անվտանգության համաժողովի հիմնական խմբի հանդիպմանը

ԵՐԵՎԱՆ, 29 ՀՈԿՏԵՄԲԵՐԻ, ԱՐՄԵՆՊՐԵՍ: 2018թ. հոկտեմբերի 29-ին Հայաստանի անվտանգության խորհրդի քարտուղար Արմեն Գրիգորյանը մեկնում է Բելառուսի Հանրապետություն` մասնակցելու Մյունխենյան անվտանգության համաժողովի հիմնական խմբի հանդիպմանը։

Ինչպես «Արմենպրես»-ին տեղեկացրեց ՀՀ ԱԽ քարտուղարի մամուլի խոսնակ Արեգ Քոչինյանը, այցի շրջանակներում նախատեսվում է նաև ԱԽ քարտուղարի երկկողմ հանդիպումը Բելառուսի ԱԽ քարտուղար Ստանիսլավ Զասի հետ։