1 րոպեի ընթերցում
ԵՐԵՎԱՆ, 16 ՀՈԿՏԵՄԲԵՐԻ, ԱՐՄԵՆՊՐԵՍ: Բռնցքամարտի Հայաստանի հավաքականի անդամ, պրոֆեսիոնալ բռնցքամարտիկ Նարեկ Աբգարյանը հաջորդ մենամարտը կանցկացնի այս տարի:
«Արմենպրես»-ին այս մասին տեղեկացրին Punch boxing պրոմոթերական ընկերությունից: Աբգարյանի հաջորդ մրցակիցը հայտնի կլինի մոտ օրերս:
Հայաստանի բռնցքամարտի հավաքականի առաջատարներից Նարեկ Աբգարյանը հունիսի 30-ին Իսպանիայի Բենիդորմ քաղաքում կայացած պրոֆեսիոնալ բռնցքամարտի երեկոյի ընթացքում 10 ռաունդում բացահայտ առավելությամբ հաղթել է մեքսիկացի Խեսուս Գալիսիային ու նվաճել է WBC International Silver գոտին։