Ֆրանկոֆոնիայի միջոցառումների մամուլի կենտրոնում կներկայացվի «Արմենպրես»-ի ֆրանսերեն բաժինը

ԵՐԵՎԱՆ, 12 ՀՈԿՏԵՄԲԵՐ, ԱՐՄԵՆՊՐԵՍ: Ֆրանկոֆոնիայի 17-րդ գագաթնաժողովի միջոցառումների մամուլի կենտրոնում հոկտեմբերի 12-ին կներկայացվի «Արմենպրես» պետական լրատվական գործակալության կայքի ֆրանսալեզու բաժինը: Մամուլի ասուլիսը տեղի կունենա Մարզահամերգային համալիրում՝ Ֆրանկոֆոնիայի 17-րդ գագաթնաժողովի միջոցառումների մամուլի կենտրոնում՝ ժամը 11:30-ին:

Կայանալիք մամուլի ասուլիսում գործակալության տնօրեն Արամ Անանյանը կխոսի Ֆրանկոֆոնիայի միջոցառումները ֆրանսերենով լուսաբանելու ու կայքում ֆրանսալեզու բաժնի ստեղծման մասին: