368.59
Գարեգին Բաղրամյանը վստահ է, որ կարող է նպաստել Հայաստանում էներգետիկ ոլորտի զարգացմանը
1 րոպեի ընթերցում
ԵՐԵՎԱՆ, 10 ՀՈԿՏԵՄԲԵՐԻ, ԱՐՄԵՆՊՐԵՍ: Էներգետիկ ենթակառուցվածքների և բնական պաշարների նախարար Գարեգին Բաղրամյանը վստահ է, որ կարող է նպաստել Հայաստանում էներգետիկ ոլորտի զարգացմանը: Այդ մասին Բաղրամյանը նշեց լրագրողների հետ զրույցում՝ պատասխանելով հարցին, թե ինչո՞ւ է ընդունել առաջարկը:
«Եղել է առաջարկ վարչապետի կողմից և ցանկացած մասնագետի համար, որին արվում է առաջարկ ու վստահություն է հայտնվում, որ ինքը կարող է աշխատել: Ես շատ բարձր եմ գնահատել այդ վստահությունը, կարծում եմ՝ կարող եմ նպաստել, որ էներգետիկան զարգանա»,– «Արմենպրես»-ի փոխանցմամբ, նշեց նախարարը։
Հարցին՝ երկու ամսում կարո՞ղ է նպաստել, որ էներգետիկան զարգանա, նա կարծիք հայտնեց, որ կարող է, ապա նաև հնարավոր համարեց հետագայում իր պաշտոնավարումը այս պաշտոնում։
Բաժանորդագրվեք մեր ալիքին Telegram-ում