Life

Գիտնականները ծերացումը դանդաղեցնող միջոց են գտել

2 րոպեի ընթերցում

Գիտնականները ծերացումը դանդաղեցնող միջոց են գտել

ԵՐԵՎԱՆ, 3 ՀՈԿՏԵՄԲԵՐԻ, ԱՐՄԵՆՊՐԵՍ: ԱՄՆ-ի Մինեսոտայի համալսարանի եւ Մայոյի կլինիկայի գիտնականները պարզել են, որ ֆիզեթին բնական նյութը, որը պարունակում են բանջարեղենի ու մրգերի շատ տեսակներ, դրական ազդեցություն Է գործում մարդու առողջության եւ կյանքի տեւողության վրա: Համապատասխան մամուլի տեղեկագիրը հրապարակված Է EurekAlert! պորտալում, տեղեկացնում Է «Արմենպրես»-ը:

Տարիքի հետ մարդու օրգանիզմում տեղի Է ունենում բջջի ծերացման եւ այնտեղ վնասված բջիջների կուտակման գործընթաց, նշված Է մամուլի տեղեկագրում: Իմունային համակարգը երիտասարդության տարիներին ունակ Է օրգանիզմը հաջողությամբ մաքրել նման բջիջներից, սակայն տարիքի հետ մաքրման արդյունավետությունը նվազում Է, ինչը հանգեցնում Է օրգանիզմում վնասված բջիջների կուտակման եւ մարդու մարմնում հյուսվածքների վիճակի վատթարացման:

Հետազոտողները, ծերացող մկների վրա գիտափորձ կատարելով, հայտնաբերել են, որ ֆիզեթինն օրգանիզմում իջեցնում Է վնասված բջիջների մակարդակը, ինչն իր հերթին բարելավում Է փորձարկվողների առողջական վիճակը եւ կյանքի տեւողությունը: Հետազոտության արդյունքները վկայում են, որ ֆիզեթինի միջոցով կարելի Է երկարացնել կյանքի առողջ շրջանի տեւողությունը, երբ օրգանիզմը գտնվում Է օպտիմալ վիճակում, նույնիսկ կյանքի վերջին շրջանում, եզրակացրել են մասնագետները, հաղորդել Է ՌԻԱ Նովոստին:

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2025 ARMENPRESS

Ստեղծվել է՝ MATEMAT-ում