1 րոպեի ընթերցում
ԵՐԵՎԱՆ, 29 ՕԳՈՍՏՈՍԻ, ԱՐՄԵՆՊՐԵՍ: Պրոֆեսիոնալ բռնցքամարտիկ Գոռ Երիցյանի առաջիկա մրցակից Ալեքսանդր Շարոնովը 14 մենամարտից 3-ում պարտություն է կրել:
«Արմենպրես»-ի հաղորդմամբ` Ալեքսանդր Շարոնովը պրոֆեսիոնալ կարիերայում առաջին մենամարտն անցկացրել է 2014 թվականի մարտի 29-ին՝ հաղթելով Քենիան ներկայացնող Ջեորջ Օուանոյին:
Շարոնովն իր անցկացրած 14 մենամարտից 9-ում հաղթել է, 3-ում կրել է պարտություն, 2 մենամարտ ավարտել ոչ-ոքի արդյունքով: Հատկանշական է, որ կարիերայի ընթացքում առաջին պարտությունը ռուս բռնցքամարտիկը կրել է 2015 թվականի մայիսի 25-ին՝ պարտվելով Ռուսաստանը ներկայացնող հայ բռնցքամարտիկ Վաղինակ Թամրազյանին:
Գոռ Երիցյանը, հիշեցնենք, հաղթանակ է տոնել անցկացրած 7 մենամարտերում:
Երիցյան-Շարոնով մենամարտը կկայանա սեպտեմբերի 21-ին: