ՊԵԿ-ն ընթացիկ տարվա առաջին 7 ամսում հավաքագրել է այնքան ավել հարկային եկամուտներ, որքան նախատեսվում էր ավել հավաքագրել ողջ տարվա ընթացքում
1 րոպեի ընթերցում
![ՊԵԿ-ն ընթացիկ տարվա առաջին 7 ամսում հավաքագրել է այնքան ավել հարկային եկամուտներ, որքան նախատեսվում էր ավել հավաքագրել ողջ տարվա ընթացքում](http://armenpress.am/resized/480/static/news/b/2018/08/944022.jpg)
ԵՐԵՎԱՆ, 16 ՕԳՈՍՏՈՍԻ, ԱՐՄԵՆՊՐԵՍ: Պետական եկամուտների կոմիտեն ընթացիկ տարվա առաջին 7 ամսում հավաքագրել է ամբողջ տարվա համար նախատեսված չափով ավելի հարկային եկամուտներ:
Այդ մասին կառավարության նիստից հետո լրագրողների հետ զրույցում ասաց ՊԵԿ նախագահ Դավիթ Անանյանը:
«7 ամսվա ընթացքում հավաքագրել ենք այնքան ավելի եկամուտ, որը նախատեսվում էր ամբողջ տարվա ընթացքում: 2018-ի համար ի սկզբանե նախատեսված էր հավաքագրել 107 մլրդ դրամով ավելի հարկային եկամուտ, այդ սահմանաչափին հասել ենք 7 ամսվա ընթացքում»,- ընդգծեց ՊԵԿ նախագահը: