1 րոպեի ընթերցում
ԵՐԵՎԱՆ, 6 ՕԳՈՍՏՈՍԻ, ԱՐՄԵՆՊՐԵՍ: ScienceAlert գիտական պորտալը, հիմնվելով գիտնականների ավելի վաղ կատարած հետազոտությունների վրա, կազմել Է աշխարհի հինգ ամենագարշելի հոտերի հավաքածուն, տեղեկացնում Է «Արմենպրես»-ը:
Ցուցակում առաջին տեղում ծծմբաջրածնի հոտն Է: Դրա հոտն ունեն հոտած ձվերն, ինչպես նաեւ ուրանը:
Երկրորդ հորիզոնականում տեղ Է զբաղեցրել դուրիան միրգը: Այն պարունակում Է 44 ակտիվ հոտավետ միացություններ, որոնք ի մի են խառնում միանգամայն տարբեր հոդեր՝ հոտած ձվից մինչեւ կարամելի հոտը:
Վերջերս դուրիանի պտուղն Ավստրալիայում տարահանման Է հասցրել մի ամբողջ համալսարանի: Այն ժամանակ դրա հոտը շփոթել են գազի հոտի հետ: Երրորդ տեղում հայտնվել Է Առնոլդի ռաֆլեզիա ծաղիկը, որն ունի դիակի հոտ՝ նեխման եւ ձկան հոտերի երանգներով: Այդ կերպ այս ծաղիկը հրապուրում Է միջատներին, որոնք փոշոտում են այն:
Չորրորդ տեղում Է ամենավատ հոտ արձակող մթերքը՝ Վյե Բուլոն պանիրը, իսկ հնգերորդը դարձել Է փոքր մրջնակերի հոտը, որը, գիտնականների գնահատումներով՝ սկունսից մի քանի անգամ վատ հոտ ունի: Այդ հոտը կենդանուն փրկում Է գիշատիչներից, հաղորդել Է ՌԻԱ Նովոստին: