Հասարակական

«Խաղաղության վազք» -ն Արա Խաչադուրյանին Մարսելից Երևան է հասցրել

4 րոպեի ընթերցում

«Խաղաղության վազք» -ն Արա Խաչադուրյանին Մարսելից Երևան է հասցրել

ԵՐԵՎԱՆ, 21 ՀՈւԼԻՍԻ, ԱՐՄԵՆՊՐԵՍ։ «Խաղաղության վազք»-ով Մարսելից մինչև Երևան: Լեռնագնաց Արա Խաչադուրյանը անցնելով 4550 կմ Ֆրանսիայի Մարսել քաղաքից 107 օրում հասել է Երեւան՝ Հանրապետության հրապարակ: Արայի խոսքով` նախաձեռնության նպատակն աշխարհին խաղաղության կոչ անելն է:

«Ուզում էի խաղաղության համար վազել, որովհետև ձանձրացել էի աշխարհի 4 կողմերից պատերազմների մասին լսելուց: Ֆրանսիան ինձ 1983-ին որդեգրեց, երբ Լիբանանը թողեցի: Հայաստանն էլ իմ հայրենիքն է, ուզեցի այս երկու երկրներն իրար միացնել իմ վազքով»,-«Արմենպրես»-ի փոխանցմամբ, ասաց Արա Խաչադուրյանը:

Վազքով Ֆրանիսիայից Հայաստան հասնելու որշումն Արան կայացրել էր դեռ երկու տարի առաջ, սակայն ինչ-ինչ պատճառներով գաղափարը հետաձգվեց: Հիմա դրա համար չի փոշմանում:

«2018թ.-ը շատ խորհրդանշական եղավ, որովհետև Հայաստանի առաջին հանրապետության անկախության 100 և Երևանի 2800-ամյակների հետ համընկավ: Եկա, նաև խաղաղ հեղափոխություն իրականացնելու համար իմ շնորհավորական խոսքը փոխանցելու վարչապետ Նիկոլ Փաշինյանին»,- ասաց Արան:

«Խաղաղության վազք»-ն իրականացվել է ՀԲԸՄ ջանքերով: Մարսելից մեկնարկելով Խաչադուրյանն անցել է Եվրոպա աշխարհամասով, հասել Թուրքիա, եղել Արևմտյան Հայաստանում, որտեղ նախատեսում էր նամակ փոխանցել Թուրքիայի նախագահ Ռեջեփ Էրդողանին, սակայն Թուրքիայում տեղի ունեցած ընտրությունները խոչընդոտել են նախաձեռնությունն իրականացնելուն:

«Ամենաերկար ժամանակահատվածն անցկացրել եմ Թուրքիայում, 2000 կմ և 45 օր տևեց այնտեղ վազելս: Ընտրությունների ընթացքում էի Թուրքիայում և չգիտեի` Էրդողանը կընտրվի, թե ոչ, բայց հաջորդ անգամ պետք է անպայման փոխանցեմ նամակը իրեն: Նամակում գրել էի, որ պետք է ընդունեն Հայոց ցեղասպանությունը, և հենց այդ նամակն էր, որ ինձ մինչև Հայաստան վազելու միտք էր տվել»,- ասաց Արան:

Մինչև Արայի մեկնարկը, Մարսելում նրան հանդիպել է Հայաստանում Ֆրանսիայի արտակարգ և լիազոր դեսպան Ջոնաթան Լաքոթը ու խոստացել Հայաստանում միանալ իրեն:

«Խոստացա, որ վերջին 6 կմ-ը պետք է իր հետ վազեմ ու խոսքիս տերը եղա: Պետք է հույս ունենանք, որ հաջորդ անգամ կկարողանանքբացել Թուրքիայի ու Հայաստանի սահմանները, և այնտեղով վազենք ու գանք Հայաստան: Ֆրանսիան իր հասանելիքն արդեն արել է, հիմա պետք է երկու պետությունները կարողանան համաձայնության գալ»,- նշեց դեսպանը:

Արան վազքի ընթացքում մեծ ուշադրության և ընդունելության է արժանացել նաև հայկական Սփյուռքի կողմից: Սփյուռքի փոխնախարար Արամայիս Գրիգորյանի խոսքով` իրենք ամբողջ ընթացքում հետևել են Խաչադուրյանի հետագծին ու խորհրդանշական է, որ այն համընկել է Հայաստանում տեղի ունեցած վերջին իրադարձությունների հետ:

«Խորհրդանշական է հեղափոխության գործընթացի հետ զուգընթաց իր վազքը, և նույնիսկ հումորով կարելի է ասել, որ հեղափոխական իր քայլերթը Արան սկսել էր մեզնից ավելի շուտ»,- նշեց Գրիգորյանը:

Արան պատրաստվում է 15 օր մնալ Հայաստանում, այցելել նաև Արցախ և երիտասարդներին իր օրինակով ցույց տալ, որ աշխատանքի արդյունքում կարելի է հասնել նպատակների իրականացմանը:

Վերաբացվել է Կոմիտաս 60 հասցեում գտնվող Ucom-ի վաճառքի և սպասարկման նորացված կենտրոնը

Երևան

Վերաբացվել է Կոմիտաս 60 հասցեում գտնվող Ucom-ի վաճառքի և սպասարկման նորացված կենտրոնը

«Վեոլիա Ջուր»-ը պատասխանել է Երևանի քաղաքապետի խորհրդական Կամո Արեյանին

Երևան

«Վեոլիա Ջուր»-ը պատասխանել է Երևանի քաղաքապետի խորհրդական Կամո Արեյանին

Հիմա գտնվում ենք հանրային տրանսպորտի միասնական տոմսային համակարգի փորձարկման փուլում․ Ավինյան

Երևան

Հիմա գտնվում ենք հանրային տրանսպորտի միասնական տոմսային համակարգի փորձարկման փուլում․ Ավինյան

Երևանին անհրաժեշտ է ևս 250 18 մետրանոց ավտոբուս ավտոպարկն ամբողջությամբ արդիականացնելու համար

Երևան

Երևանին անհրաժեշտ է ևս 250 18 մետրանոց ավտոբուս ավտոպարկն ամբողջությամբ արդիականացնելու համար

Տիգրան Ավինյանը վստահեցնում է՝ աղբահանության հետ կապված խնդիրը մոտ ժամանակներս լուծված կլինի

Երևան

Տիգրան Ավինյանը վստահեցնում է՝ աղբահանության հետ կապված խնդիրը մոտ ժամանակներս լուծված կլինի

Երևանում 500 վերելակ կփոխարինվի նորով

Երևան

Երևանում 500 վերելակ կփոխարինվի նորով

Երևանում նախատեսում է 32 մանկապարտեզի վերակառուցում

Երևան

Երևանում նախատեսում է 32 մանկապարտեզի վերակառուցում

Երևանի 350 հասցեներում կվերակառուցվեն մոտ 70 կմ երկարությամբ կոյուղագծեր

Երևան

Երևանի 350 հասցեներում կվերակառուցվեն մոտ 70 կմ երկարությամբ կոյուղագծեր

Երևանի քաղաքապետարանը կառավարությանն առաջարկել է վերանայել «Վեոլիա Ջուր»-ի հետ պայմանագիրը

Երևան

Երևանի քաղաքապետարանը կառավարությանն առաջարկել է վերանայել «Վեոլիա Ջուր»-ի հետ պայմանագիրը

Ավինյանը կարծում է, որ Երևանի ճանապարհային ցանցի վիճակը նախորդ տարիների համեմատ ավելի լավն է լինելու

Երևան

Ավինյանը կարծում է, որ Երևանի ճանապարհային ցանցի վիճակը նախորդ տարիների համեմատ ավելի լավն է լինելու

Սեփականատերերը պարտավոր են պահպանել հուշարձան-շենքերը. Երևանի քաղաքապետարանը ԿԳՄՍ նախարարության հետ նոր գործընթաց է սկսել

Երևան

Սեփականատերերը պարտավոր են պահպանել հուշարձան-շենքերը. Երևանի քաղաքապետարանը ԿԳՄՍ նախարարության հետ նոր գործընթաց է սկսել

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում