1 րոպեի ընթերցում
ԵՐԵՎԱՆ, 17 ՀՈՒԼԻՍԻ, ԱՐՄԵՆՊՐԵՍ: ՀՀ մշակույթի նախարար Լիլիթ Մակունցը ոլորտում կարևորում է մրցակցային թափանցիկ դաշտի ստեղծումը: «Արմենպրես»-իհաղորդմամբ՝ Մակունցը նման տեսակետ հայտնեց լրագրողների հետ հանդիպմանը:
«Մեզ համար կարևոր է մրցակցային թափանցիկ դաշտի ապահովումը: Նախարարի՝ իմ գործունեության ընթացքում հասկացել եմ, որ դրա բացակայության պատճառով մշակութային գործիչների պակաս ունենք»,-ասաց Մակունցն ու հավելեց՝ կարևորում է մշակութային քննարկումները, որոշումների լուծումների փնտրտուքը:
Նախարարի խոսքով՝ արվեստագետներից ակնկալում են բարձրագույն արժեքների ստեղծում: Հասարակության համար սա կարևորագույնն է:
Մակունցի խոսքով՝ մշակութային ռազմավարության ստակ տեսլական ունեն: Նախարարը կարևորեց մշակույթ-կրթություն կապի վերահաստատումը: «Մեր քաղաքական ուղերձներից է ստեղծարար արդյունավետության ուղղութամբ աշխատելը, ապակենտրոնացումը, մշակույթի համաչափ զարգացումը մարզերում»,-նշեց նա ու հավելեց՝ մշակութային կյանքը պետք է զարգացած լինի ոչ միայն մայրաքաղաքում: