ՀՔԾ պետը վստահեցնում է, որ «Էլեկտրիկ Երևանի» ժամանակ լրագրողների նկատմամբ բռնության դեպքերի ապացույցներն օբյեկտիվ կգնահատվեն
1 րոպեի ընթերցում
ԵՐԵՎԱՆ, 10 ՀՈՒԼԻՍԻ, ԱՐՄԵՆՊՐԵՍ: Աշխատանքներ են տարվում 2015 թվականի հունիսին «Էլեկտրիկ Երևանի» ժամանակ լրագրողների նկատմամբ բռնության գործերի բացահայտման ուղղությամբ։
Այդ մասին լրագրողների հետ զրույցում նշեց ՀՔԾ պետ Սասուն Խաչատրյանը՝ պատասխանելով հարցին՝ արդյոք պե՞տք է սպասել տեղաշարժ նաև վերոհիշյալ գործով։
«Ձեռք բերված ապացույցների հիման վրա օբյեկտիվ գնահատականներ կտրվեն»,– «Արմենպրես»-ի փոխանցմամբ, ասաց նա։
Հարցին, թե երեք տարվա ընթացքում ոչ մի ապացույց ձեռք չի՞ բերվել, Սասուն Խաչատրյանը պատասխանեց, որ չի ցանկանում այժմ ապացույցների մասին խոսել: Նա վստահեցրեց, որ ապացույցները կգնահատվեն օբյեկտիվ և կկայացվեն օբյեկտիվ որոշումներ։