1 րոպեի ընթերցում
ԵՐԵՎԱՆ, 29 ՀՈՒՆԻՍԻ, ԱՐՄԵՆՊՐԵՍ: Հայաստանի բռնցքամարտի հավաքականի անդամ, 31-րդ ամառային Օլիմպիական խաղերի մասնակից Նարեկ Աբգարյանը կմենամարտի WBC International Silver գոտու համար:
«Արմենպրես»-ին այս մասին տեղեկացրին «Punch Boxing» պրոմոութերական ընկերությունից:
Հայ պրոֆեսիոնալ բռնցքամարտիկ Նարեկ Աբգարյանը շարունակում է նախապատրաստվել մեքսիկացի Խեսուս Գալիսիայի հետ մենամարտին: Հունիսի 28-ին կայացել է բռնցքամարտիկների հայացքների մենամարտը:
Հիշեցնենք, որ հունիսի 29-ին Աբգարյանը կանցկացնի 10-րդ մենամարտը` առաջին անգամ մրցելով WBC International Silver գոտու համար: Մենամարտը կկայանա Իսպանիայի Բենիդորմ քաղաքում և կցուցադրվի «Արմենիա» հեռուստաընկերության եթերում: