Ալեքսիս Օհանյանը Հայաստանում է

ԵՐԵՎԱՆ, 27 ՀՈՒՆԻՍԻ, ԱՐՄԵՆՊՐԵՍ: Reddit սոցիալական ցանցի համահիմնադիր Ալեքսիս Օհանյանը ժամանել է Հայաստան: Ինչպես հաղորդում է «Արմենպրես»-ը, այս մասին նա գրառում է կատարել Instagram-ի իր էջում:

Նա երկու լուսանկար է հրապարակել, որոնցից առաջինի համար գրել է. «24 ժամ է՝ Հայաստանում եմ: Հետևեք»:

24 hours in Hayastan. Follow along.

A post shared by Alexis Ohanian Sr. (@alexisohanian) on Jun 26, 2018 at 8:16pm PDT

Այնուհետև նա այցելել է հայկական շուկաներից մեկը, որտեղից կարճ տեսանյութերի միջոցով ցույց է տվել հայկական մրգերն ու բանջարեղենները: Ծիրան համտեսելուց հետո նա ևս մեկ լուսանկար է թողել Instagram-ում՝ գրելով. «Այցելություն շուկա: Լուսանկարում չեն երևում այն համեղ ծիրանները, որոնք կերել ենք: Մենք հայտնի ենք պահածոների պատրաստման գործում: Հայրս սովորություն ուներ ձմեռվա համար բանջարեղեններ պահածոյացնել: Կարծում եմ՝ ժամանակի հարց է, թե ես երբ կսկսեմ»:

Market visit. Not pictured are the delicious apricots we ate. We are great at pickling things. My dad used to pickle vegetables for winter. I think it's only a matter of time before I start.

A post shared by Alexis Ohanian Sr. (@alexisohanian) on Jun 27, 2018 at 12:11am PDT