Մեկնարկեց Կարեն Ասրյանի հուշամրցաշարը 

ԵՐԵՎԱՆ, 22 ՀՈՒՆԻՍԻ, ԱՐՄԵՆՊՐԵՍ: Մեկնարկեց Կարեն Ասրյանի անվան շախմատի 11-րդ հուշամրցաշարը:

«Արմենպրես»-ի հաղորդմամբ` Հայաստանի ներկայացուցիչներից անդրանիկ տուրում հաղթանակներ տոնեցին Հրանտ Մելքումյանը, Արման Փաշիկյանը, Զավեն Անդրիասյանը, Արմեն Բարսեղյանը:

Ավանդույթի համաձայն՝ այս տարի ևս մրցաշարն անցկացվում է Ջերմուկում: Մրցաշարին մասնակցող ամենաբարձր վարկանիշն ունեցող մարզիկն է հնդիկ գրոսմայստեր Պենտալա Հարիկրիշնան (2666): Բարձր վարկանիշ ունեցող հայ գրոսմայստերներից մրցաշարին մասնակցում են Հրանտ Մելքումյանը, Ռոբերտ Հովհաննիսյանը, Արման Փաշիկյանը և Զավեն Անդրիասյանը:

Կարեն Ասրյանի 11-րդ հուշամրցաշարը մեկնարկեց հունիսի 21-ին և կեզրափակվի հունիսի 29-ին: Այն կունենա 9 տուր: Մրցաշարին մասնակցում է 76 շախմատիստ: