1 րոպեի ընթերցում
ԵՐԵՎԱՆ, 21 ՀՈՒՆԻՍԻ, ԱՐՄԵՆՊՐԵՍ: Հայկական շախմատի առաջատար Լևոն Արոնյանը շարունակում է ելույթները Փարիզի «Grand chess tour»-ում:
«Արմենպրես»-ի հաղորդմամբ՝ արագ շախմատում կայացան 4-6-րդ տուրերը: Արոնյանը 4-րդ տուրում հաղթեց Ադրբեջանը ներկայացնող Շահրիյար Մամեդյարովին, այնուհետ ոչ-ոքի խաղաց Սերգեյ Կարյակինի և Ուեսլի Սոյի հետ: Արոնյանը 12 հնարավորից հավաքեց 8 միավոր և այժմ ընթանում է երկրորդ տեղով:
Արագ շախմատի ևս երեք տուր կկայանա հունիսի 23-ին: Հաղթողին կտրվի 2 միավոր, իսկ ոչ ոքիի դեպքում՝ 1: Հունիսի 23-24-ը տեղի կունենա կայծակնային շախմատի մրցաշարը: