Իրանն սկսելու Է ավելացնել ուրանի հարստացման հզորությունները
1 րոպեի ընթերցում
![Իրանն սկսելու Է ավելացնել ուրանի հարստացման հզորությունները](http://armenpress.am/resized/480/static/news/b/2018/06/936142.jpg)
ԵՐԵՎԱՆ, 5 ՀՈՒՆԻՍԻ, ԱՐՄԵՆՊՐԵՍ: Իրանը մտադիր Է ՄԱԳԱՏԷ-ին իրազեկել, որ երկիրը հունիսի 5-ին սկսում Է ուրանի հարստացման կարողությունների ուժեղացման գործընթացը, հայտարարել Է Իրանի միջուկային Էներգիայի կազմակերպության ներկայացուցիչ Բեհրուզ Քամալվանդին: Այս մասին, ինչպես նա ասել Է ISNA գործակալությանը, պաշտոնապես կհայտարարվի նամակում, որը Թեհրանը կուղարկի ՄԱԳԱՏԷ, տեղեկացնում Է «Արմենպրես»-ը:
Հունիսի 4-ին ցենտրիֆուգների թվի ավելացմանը պատրաստ լինելու ցուցում Է տվել Իրանի գերագույն առաջնորդ այաթոլլա Խամենեին: Քամալվանդին պարզաբանել Է, որ «առաջնորդը նկատի Է ունեցել, որ մենք պետք Է արագացնենք որոշակի գործընթացներ՝ կապված միջուկային մշակումների բնագավառի կարողությունների հետ, որպեսզի անհրաժեշտության դեպքում առաջ շարժվենք ավելի արագ»:
Իրանի միջուկային Էներգիայի կազմակերպության ներկայացուցիչն ավելի վաղ հայտարարել Է, որ Իրանը պատրաստ Է այն բանին, որ ուրանի հարստացումը մինչեւ 20-տոկոսի մակարդակ մեծացնի «առավելագույնը երկու - երեք օրվա» ընթացքում, հաղորդել Է «Ինտերֆաքս»-ը: