Բաքվում մեկնարկել է Ադրբեջանի, Թուրքիայի և Վրաստանի բարձրագույն ռազմական ուսումնական հաստատությունների պատվիրակությունների հանդիպումը 

ԵՐԵՎԱՆ, 16 ՄԱՅԻՍԻ, ԱՐՄԵՆՊՐԵՍ: Բաքվում մեկնարկել է Ադրբեջանի, Թուրքիայի և Վրաստանի բարձրագույն ռազմական ուսումնական հաստատությունների ղեկավարների հանդիպումը, որը տևելու է մինչև մայիսի 18-ը:

Այս մասին, ինչպես հաղորդում է «Արմենպրես»-ը, հայտնում է ադրբեջանական minval.az-ը:

Ադրբեջանական կողմից հանդիպմանը մասնակցում է Հեյդար Ալիևի անվան ադրբեջանական բարձրագույն ռազմական դպրոցի ներկայացուցչությունը, Թուրքիայից՝ Ցամաքային զորքերի ռազմական դպրոցի պատվիրակությունը, Վրաստանից՝ Ազգային պաշտպանության ակադեմիայի պատվիրակությունը:

Պատվիրակությունները քննարկելու են համատեղ գործունեության, փորձի փոխանակման և այլ հարցեր: