«ԷկզոՄարս-TGO» զոնդն ստացել Է Մարսի առաջին գունավոր լուսանկարները

ԵՐԵՎԱՆ, 27 ԱՊՐԻԼԻ, ԱՐՄԵՆՊՐԵՍ: Ռուս-եվրոպական «ԷկզոՄարս-TGO» զոնդում տեղակայված CaSSIS խցիկն ստացել Է Մարսի մակերեւույթի առաջին լիագույն լուսանկարները: Այդ մասին, ինչպես տեղեկացնում Է «Արմենպրես»-ը, հաղորդել Է Բեռնի համալսարանի մամուլի ծառայությունը:

«ԷկզոՄարս-TGO» ռուս-եվրոպական համատեղ առաքելությունը կարմիր մոլորակի մերձակա տարածություն Է ժամանել 2016 թվականի հոկտեմբերի 19-ին: Առաքելության ուղեծրային մասը հաջողությամբ Է կատարել Մարսին մերձենալու եւ կայուն ուղեծիր դուրս գալու խնդիրը, իսկ «Սկիապարելլի» ցուցադրական մոդուլի վայրԷջքը Մարսի հասարակածի մերձակա Միջօրեական սարավանդում ավարտվել Է անհաջողությամբ, հաղորդել Է ՌԻԱ Նովոստին: