1 րոպեի ընթերցում
ԵՐԵՎԱՆ, 27 ԱՊՐԻԼԻ, ԱՐՄԵՆՊՐԵՍ: Հունաստանում կայացած շախմատի դպրոցականների առաջնության մինչև 8 տարեկան տարիքային ենթախմբում հիանալի հաջողության հասավ Ռաֆայել Սարաֆիս-Վարոսյանը:
«Արմենպրես»-ի փոխանցմամբ` նա 9 հնարավորից վաստակեց 9 միավոր և 203 շախմատիստների մեջ միանձնյա գրավեց առաջին տեղը: Հաղթանակի շնորհիվ պատանի շախմատիստն իրավունք նվաճեց մասնակցելու աշխարհի և Եվրոպայի պատանեկան առաջնություններին: Ռաֆայելը իր տարիքային խմբում երկու անգամ նվաճել է նաև Կրետե կղզու չեմպիոնի տիտղոսը:
Ավելացնենք նաև, որ չնայած Ռաֆայելը ծնվել է Հունաստանում՝ նա գերազանց խոսում, գրում և կարդում է հայերեն: