1 րոպեի ընթերցում
ԵՐԵՎԱՆ, 26 ԱՊՐԻԼԻ, ԱՐՄԵՆՊՐԵՍ: Շառլ Ազնավուրի ինքնազգացողությունը լավացել Է, ապրիլի 26-ին նա Փարիզ Է ժամանել Ռուսաստանում նշանակված համերգների չեղարկումից հետո: Այդ մասին, ինչպես տեղեկացնում Է «Արմենպրես»-ը, «ՌԻԱ Նովոստի»-ին հայտնել են արտիստի ներկայացուցիչները:
Ապրիլի 25-ին Ազնավուրին, որի 94-ամյակը կլրանա մայիսին, անբավարար ինքնազգացողության պատճառով հիվանդանոց են տեղափոխել Պետերբուրգում համերգի փորձի վայրից: Նրա համերգը հետաձգվել Է 2019 թվականի ապրիլ: Բացի այդ, չեղյալ Է հայտարարվել արտիստի ապրիլի 28-ի ելույթը Կրեմլի պալատի բեմում, ինչի մասին հաղորդվում Է հարթակի պաշտոնական կայքում:
«Պարոն Ազնավուրի ինքնազգացողությունը նորմալացել Է: Բռնվել Էր նրա մեջքը, բայց այժմ նա իրեն լավ Է զգում»,-ասել Է գործակալության զրուցակիցը, հավելելով, որ արտիստն արդեն ժամանել Է Փարիզ:
Պատասխանելով այն հարցին, թե երգիչը հիվանդանոց պառկելու Է արդյոք Փարիզում, Ազնավուրի ներկայացուցչն ասել Է. «Դրա անհրաժեշտությունը չկա»: