398.74
ԱՄՆ-ն հորդորում է Հայաստանին գնալ երկխոսության ճանապարհով
1 րոպեի ընթերցում
ԵՐԵՎԱՆ, 25 ԱՊՐԻԼԻ, ԱՐՄԵՆՊՐԵՍ: ԱՄՆ պետդեպարտամենտը հայտարարություն է տարածել Հայաստանում տեղի ունեցող իրադարձությունների վերաբերյալ՝ հորդորելով գնալ երկխոսության ճանապարհով: Ինչպես հաղորդում է «Արմենպրես»-ը, ԱՄՆ պետդեպարտամենտի խոսնակ Հիզեր Նոյերթի հայտարարության մեջ ասվում է.
«Առաջիկա օրերը պատմական հնարավորություն են Հայաստանի ժողովրդի և նրա կողմից ընտրված առաջնորդների համար, քանի որ նրանք սկսում են նոր կառավարություն ձևավորելու գործընթացը»,- նշել է Նոյերթը:
Նա կոչ է արել բոլոր կողմերին կառուցողական դիրքորոշում դրսևորել Հայաստանի Սահմանադրության շրջանակներում:
«Ակնկալում ենք սերտորեն համագործակցել նոր կառավարության հետ Միացյալ Նահանգների և Հայաստանի միջև համատեղ հետաքրքրություն ներկայացնող ոլորտների շրջանակում:
Որպես Հայաստանի բարեկամ ու գործընկեր՝ մենք հորդորում ենք հայ ժողովրդին գնալ երկխոսության՝ իրենց ինքնիշխան ապագան ժողովրդավարական և խաղաղ ճանապարհով ձևավորելու նպատակով»,- ասվում է պետդեպի խոսնակի հայտարարության մեջ:
Բաժանորդագրվեք մեր ալիքին Telegram-ում