Միջուկային գործարքից ԱՄՆ-ի դուրս գալը կարող Է խիստ տհաճ հետեւանքներ ունենալ. Իրանի ԱԳ նախարար

ԵՐԵՎԱՆ, 20 ԱՊՐԻԼԻ, ԱՐՄԵՆՊՐԵՍ: Իրանական միջուկային ծրագրի վերաբերյալ Գործողությունների համատեղ համապարփակ ծրագրից (ԳՀՀԾ) դուրս գալու ԱՄՆ-ի որոշումը կարող Է խիստ տհաճ հետեւանքներ ունենալ, եթե ընդունվի: Այդ մասին, ինչպես հաղորդել Է ՏԱՍՍ-ը, ապրիլի 19-ին հայտարարել Է Իրանի արտաքին գործերի նախարար Մոհամադ Ջավադ Զարիօը, որը ժամանել Է Նյու Յորք՝ մասնակցելու ՄԱԿ-ի Գլխավոր ասամբլեայի նիստին, տեղեկացնում Է «Արմենպրես»-ը:

«Գործողությունները, որոնք կձեռնարկի Իսլամական Հանրապետությունը, եւ միջազգային հանրակցության արձագանքը, անկասկած, խիստ տհաճ կլինեն ամերիկացիների համար»,- նախարարի խոսքը մեջբերել Է IRNA գործակալությունը:

Արտաքին քաղաքական գերատեսչության ղեկավարը նաեւ ընդգծել Է, որ գործարքի պայմանները ենթակա չեն քննարկման ու փոփոխման: ԱՄՆ-ի ոչ ճիշտ գործողությունները կարող են վտանգավոր դրություն ստեղծել տարածաշրջանում, հատկապես Սիրիայում, հավելել Է Զարիֆը: Իրանը եւ միջազգային բանակցորդների «վեցյակը» 2015 թվականի հուլիսի 14-ին համաձայնության են հասել իրանական բազմամյա միջուկային հիմնախնդրի կարգավորման շուրջ: Երկարատեւ բանակցություններն ավարտվել են Գործողությունների համատեղ համապարփակ ծրագրի ընդունմամբ: 2016 թվականի հունվարի 16-ին հայտարարվել Է ԳՀՀԾ-ի իրականացումն սկսելու մասին, որին հավանություն Է տրվել ՄԱԿ-ի Անվտանգության խորհրդի բանաձեւով: Այդ ծրագիրը նախատեսում Է ավելի վաղ ՄԱԿ-ի ԱԽ-ի, ԱՄՆ-ի եւ Եվրամիության կողմից Իրանի նկատմամբ սահմանված տնտեսական ու ֆինանսական պատժամիջոցների վերացում: Փոխարենը Թեհրանը պարտավորվել Է սահմանափակել իր միջուկային գործունեությունը՝ այն դնելով միջազգային հսկողության ներքո: ԱՄՆ-ի ներկայիս վարչակազմը խստիվ քննադատում Է այդ համաձայնագիրը եւ սպառնում Է դուրս գալ դրանից՝ փաստաթուղթը համարելով «վատագույն գործարքը» ԱՄՆ-ի համար:

Համաձայնագրի վերանայման դեմ վճռականորեն հանդես են գալիս Ռուսաստանը եւ Չինաստանը: Իրանը պնդում Է, որ ձեռք բերված պայմանավորվածությունները վերանայման ենթակա չեն: ՄԱԳԱՏԷ-ն, որն ստուգում Է Թեհրանի կողմից ԳՀՀԾ-ի պայմանների կատարումը, հաստատում Է, որ Իրանի կողմից խախտումներ չեն հայտնաբերվել: