Մահացել է «Թռիչք կկվի բնի վրայով» ֆիլմի ռեժիսորը

ԵՐԵՎԱՆ, 14 ԱՊՐԻԼԻ, ԱՐՄԵՆՊՐԵՍ: Ամերիկայի Միացյալ Նահանգներում 86 տարեկանում կարճատև հիվանդությունից իր բնակարանում մահացել է հայտնի ռեժիսոր Միլոշ Ֆորմանը: «Արմենպրես»-ի փոխանցմամբ` այս մասին հայտնում է Hollywoodreporter -ը: Հայտնի ռեժիսորը մահացել է ապրիլի 13-ին:

Ազգությամբ չեխ ռեժիսորին առանձնահատուկ ճանաչում և հռչակ են բերել «Թռիչք կկվի բնի վրայով» և «Ամադեուս» ֆիլմերը, որոնց համար «լավագույն ռեժիսոր» անվանակարգում Ֆորմանը «Օսկար» մրցանակի է արժանացել:

Ամերիկյան լրատվամիջոցը լավագույնների մեջ առանձնացրել է նաև Միլոշ Ֆորմանի «Ժողովուրդն ընդդեմ Լարի Ֆլինթի» և «Մարդը լուսնի վրա» կենսագրական ֆիլմերը: