ԵՄ-ն մակրոֆինանսական օգնության նոր փաթեթ կտրամադրի Վրաստանին
1 րոպեի ընթերցում
![ԵՄ-ն մակրոֆինանսական օգնության նոր փաթեթ կտրամադրի Վրաստանին](http://armenpress.am/resized/480/static/news/b/2018/04/929679.jpg)
ԵՐԵՎԱՆ, 12 ԱՊՐԻԼԻ, ԱՐՄԵՆՊՐԵՍ: ԵՄ-ն որոշում Է ընդունել Վրաստանին մակրոֆինանսական օգնություն տրամադրել տնտեսական կայունությունը պահպանելու համար: Այդ մասին, ինչպես տեղեկացնում Է «Արմենպրես»-ը, ասված Է ԵՄ-ի խորհրդի մամուլի ծառայության հաղորդագրության մեջ:
«Խորհուրդը որոշում ընդունեց Վրաստանին մինչեւ 45 մլն եվրոյի չափով մակրոֆինանսական օգնություն տրամադրելու մասին: Այն կօգնի բավարարել Վրաստանի ֆինանսական պահանջմունքները, աջակցել տնտեսական կայունությանը եւ նրա կառուցվածքային բարեփոխումների ծրագրին»,-հայտնել են մամուլի ծառայությունում: Մակրոֆինանսական օգնությունը ԵՄ-ի կողմից ցուցաբերվում Է վճարային հաշվեկշռի դժվարություններ ունեցող գործընկեր-երկրներին, այն հասանելի Է միայն այն երկրների համար, որոնք աջակցություն են ստանում Արժույթի միջազգային հիմնադրամից: Սա Վրաստանի համար երրորդ նման գործողությունն Է 2008 թվականից հետո: Եվրահանձնաժողովը Վրաստանին մակրոֆինանսական օգնության այս ծրագիրն առաջարկել Է տրամադրել անցյալ տարվա սեպտեմբերի վերջին: Այն ժամանակ նշվել Էր, որ միջոցները նախատեսված են երկրի արտաքին ֆինանսական կարիքների մի մասը բավարարելու համար, հաղորդել Է ՌԻԱ Նովոստին: