Չինուհին՝ մկրատը գլխի մեջ, ավտոբուսով հասել Է հիվանդանոց ու ողջ Է մնացել
1 րոպեի ընթերցում
![Չինուհին՝ մկրատը գլխի մեջ, ավտոբուսով հասել Է հիվանդանոց ու ողջ Է մնացել](http://armenpress.am/resized/480/static/news/b/2018/04/928986.jpg)
ԵՐԵՎԱՆ, 6 ԱՊՐԻԼԻ, ԱՐՄԵՆՊՐԵՍ: Չինաստանի բնակչուհին՝ մկրատը գլխի մեջ, կարողացել Է ինքնուրույն հասնել հիվանդանոց եւ հաջողությամբ տարել Է վիրահատությունը: Այս մասին, ինչպես տեղեկացնում Է «Արմենպրես»-ը, հաղորդել Է Daily Mail հրատարակությունը:
Միջադեպը տեղի Է ունեցել այն ժամանակ, երբ Շեն Սյաոինը չինական ցեդրելայի տերեւներ Էր հավաքում Հուբեյի նահանգի Սանյան քաղաքի իր տան այգում: 57-ամյա կինը որոշել Է բույսի կատարից կտրտել ուտելի տերեւները, եւ այնտեղ հասնելու համար բամբուկե փայտ Է ամրացրել Էտելու մկրատին:
Բայց այն ջարդվել Է, եւ մկրատն ընկել ու սայրով խրվել Է Սյաոինի գլուխը: Չինուհին կարողացել Է պահպանել ինքնատիրապետումը եւ ավտոբուսով հիվանդանոց Է ուղեւորվել իր ընտանքի հետ: Բժիշկները նրան ուղարկել են ռենտգեն հետազոտության, որտեղ հայտնաբերել են, որ սայրը չորս սանտիմետր խրվել Է նրա գլուխը եւ կպել ուղեղին: Այնուամենայնիվ, այն լուրջ վնաս չի հասցրել կնոջը. նա գանգատվում Է սոսկ զգայության մասնակի կորստից եւ քնկոտությունից: Մկրատը հանելու համար բժիշկներին երկու վիրահատություն Է պահանջվել: