2 րոպեի ընթերցում
ԵՐԵՎԱՆ, 3 ԱՊՐԻԼԻ, ԱՐՄԵՆՊՐԵՍ: Չինաստանի Չենդու քաղաքի բնակիչ Վան Մինցինը 24 տարի շարունակ զբաղվել Է կորած դստերը փնտրելով եւ գտել Է նրան: Այդ մասին, ինչպես տեղեկացնում Է «Արմենպրես»-ը, հայտնել Է BBC News-ը: Ցիֆենն անհետացել Էր երեք տարեկան հասակում: Այն ժամանակ տղամարդը, կնոջ հետ միասին, մրգերի առեւտուր Էր անում եւ արդեն աշխատանքային օրվա ավարտին նկատել Է, որ դուստրը չկա:
Ամուսինները մի քանի օր շարունակ նրան որոնել են քաղաքում եւ նրա ծայրամասերում, թերթերում գովազդային սյունակներ են գնել դստեր կորչելու մասին հայտարարությունների համար եւ որոնումներ կազմակերպել Համացանցում:
2015 թվականին Մինցինն աշխատանքի Է անցնում որպես տաքսիստ եւ դստեր կորելու մասին հայտարարությունը զետեղում Է ավտոմեքենայի վրա: Քանի որ Ցիֆենն անհետացել Էր շատ փոքր տարիքում, հայրն օգտագործել Է նրա քրոջ լուսանկարը, նշելով, որ կորած երեխան նման Է նրան:
«Հնարավոր Է՝ մի անգամ մեքենայի հետեւի նստոցին իմ աղջիկը հայտնվի»,- ասում Էր չինացին: Մի քանի օր նա ուղեւորներին թերթիկներ Էր բաժանում եւ խնդրում Էր օգնել: Մինցինի պատմությունը գրավել Է չինական ԶԼՄ-ների ուշադրությունը: Նրանց շնորհիվ չինացու մասին իմանում Է այն ոստիկանը, որը պատրաստել Էր կորած աղջկա ֆոտոռոբոտը: Նկարը տարածել են Համացանցում, եւ արդյունքում՝ Մինցինի հետ կապվում Է չինուհի Կան Ինը, որն ապրում Է երկրի մյուս ծայրում:
ԴՆԹ-ի թեստ անցկացնելուց հետո պարզվում Է, որ նա իսկապես այդ մարդու դուստրն Է: Այն մասին, թե աղջկա հետ ինչ Է տեղի ունեցել անհետանալուց հետո, եւ ինչպես Է նա հայրենի քաղաքից այդքան հեռու հայտնվել, չի հաղորդվում: