1 րոպեի ընթերցում
ԵՐԵՎԱՆ, 28 ՓԵՏՐՎԱՐԻ, ԱՐՄԵՆՊՐԵՍ: Չինաստանում միլիարդատերերի թիվը, Hurun հանդեսի («Ֆորբս»-ի չինական նամանօրինակը) վարկածով, 2017 թվականին աճել Է 35 տոկոսով՝ հասնելով 819-ի: Աշխարհի ամենահարուստ մարդկանց Hurun Global Rich List 2018 վարկանիշը հրապարակվել Է փետրվարի 28-ին, տեղեկացնում Է «Արմենպրես»-ը: Հանդեսը նշում Է, որ Չինաստանի ամենամեծ թվով միլիարդատերերն զբաղված են այնպիսի ոլորտներում, ինչպիսիք են անշարժ գույքը, արտադրությունը եւ հեռահաղորդակցությունները:
Ամենից շատ չինացի միլիարդատերեր են ապրում Պեկինում: Ամենահարուստ չինացին Tencent հեռահաղորդակցական ընկերության հիմնադիր Մա Հուատենն Է. նրա կարողությունը գնահատվում Է 47 մլրդ դոլար: Ընդհանուր վարկանիշում, որը ներառում Է հարյուր դիրք, ձեռնարկատերն զբաղեցրել Է 15-րդ տեղը: Այս տարի ցուցակը գլխավորել Է Amazon ամերիկյան ընկերության հիմնադիր Ջեֆ Բեզոսը՝ 123 մլրդ դոլար գնահատվող զուտ հարստությամբ: ԱՄՆ-ը երկրորդ հորիզոնականն Է զբաղեցնում ամենահարուստ մարդկանց թվով, այնտեղ ապրում Է 571 միլիարդատեր: Hurun Global Rich-ը վարկանիշը հրապարակում Է 2012 թվականից, հաղորդել Է ՏԱՍՍ-ը: