368.59
Հարավային Կորեան եւ ԱՄՆ-ը համատեղ զորավարժությունները կվերսկսեն ապրիլին
1 րոպեի ընթերցում
ԵՐԵՎԱՆ, 28 ՓԵՏՐՎԱՐԻ, ԱՐՄԵՆՊՐԵՍ: Հարավային Կորեայի եւ ԱՄՆ-ի կանոնավոր համատեղ զորավարժությունների անցկացման պրակտիկան կվերսկսվի 2018 թվականի ապրիլին: Այդ մասին, ինչպես տեղեկացնում Է «Արմենպրես»-ը, հայտարարել Է Հարավային Կորեայի նախագահի անվտանգության հարցերով խորհրդական Մուն Չոն Ինը:
Ելույթ ունենալով Վաշինգտոնում կայացած սեմինարում՝ նա ասել Է, թե «վստահ Է, որ զորավարժությունները կվերսկսվեն ապրիլի առաջին շաբաթվա ընթացքում»:
Զորավարժությունների անցկացումը կողմերի համաձայնությամբ կասեցվել Էր ձմեռային Օլիմպիական խաղերի կապակցությամբ, որոնք տեղի են ունեցել Կորեայի Հանրապետությունում:
«Այդուհանդերձ, եթե, նախքան զորավարժությունների սկսվելը ԱՄՆ-ի եւ Հյուսիսային Կորեայի միջեւ կայանան բանակցություններ, ապա կարող Է ինչ-որ փոխզիջում ձեռք բերվել»,-նշել Է հարավկորեացի պաշտոնյան, հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում