2 րոպեի ընթերցում
ԵՐԵՎԱՆ, 26 ՓԵՏՐՎԱՐԻ, ԱՐՄԵՆՊՐԵՍ: Դուբայի Dubai Miracle Garden-ում հայտնվել Է ամենախոշոր ծաղկահյուս ինստալացիան, որը պատկերում Է Միկի Մաուսին, տեղեկացնում Է «Արմենպրես»-ը:
Ինչպես հայտնել Է Khaleej Times թերթը, ինստալացիայի ստեղծումը նվիրված Է Միկի Մաուսի ծննդյան 90-րդ տարեդարձին: Հրատարակության տեղեկատվության համաձայն, մկնիկի 18-մետրանոց ֆիգուրը բաղկացած Է գրեթե 100 հազար ծաղիկներից եւ բույսերից, որոնց ընդհանուր քաշը կազմում Է մոտավորապես 35 տոննա: Ամբողջ կառուցվածքը հենվում Է երկաթե հիմնակմախքի վրա, որը տեղադրված Է 50 տոննա կշռող երկաթբետոնե հատուկ հիմքի վրա:
«Ավելի քան հարյուր աշխատողներից, դիզայներներից, ինժեներներից եւ ֆլորիստներից բաղկացած թիմին 45 օր Է պահանջվել այդ քանդակն ստեղծելու համար»,-հայտարարել Է Dubai Miracle Garden-ի ստեղծող եւ համահիմնադիր Աբդել Նասեր Ռահալը:
Միկի Մաուսը մեծ ժողովրդականություն վայելող մուլտիպլիկացոն հերոս Է, The Walt Disney Company ընկերության խորհրդանիշներից մեկը: Նրա ծննդյան օրը պաշտոնապես համարվում Է 1928 թվականի նոյեմբերի 18-ը, երբ ցուցադրվել Է «Շոգեքարշիկ Ուիլը» մուլտիպլիկացիոն ֆիլմը, որն Էլ լայն ճանաչում բերեց մկնիկին, հաղորդել Է ՏԱՍՍ-ը:
“Dubai Miracle Garden celebrates upcoming 90th anniversary of Mickey Mouse with record-breaking 18-metre floral sculpture.” #dubaimiraclegarden #guinnessworldrecord #waltdisney #mickeymouse #guinness #visitdubai #dubaipage #dubai #uae #photocredit Bachir Moukarzel pic.twitter.com/O7drOeNNvu
— Dubai Miracle Garden (@MiracleGardenAE) 26 февраля 2018 г.