Մարմնամարզուհի Յուլիա Վոդոպյանովան Բուենոս Այրեսի պատանեկան Օլիմպիական խաղերի ուղեգիր է նվաճել 

ԵՐԵՎԱՆ, 16 ՓԵՏՐՎԱՐԻ, ԱՐՄԵՆՊՐԵՍ: Հայաստանն ունի պատանեկան Օլիմպիական խաղերի առաջին ուղեգիրը:

«Արմենպրես»-ի հաղորդմամբ` այս մասին գրում է ՀԱՕԿ-ը: Հայաստանի գեղարվեստական մարմնամարզության հավաքականի անդամ Յուլիա Վոդոպյանովան Մոսկվայում կայացած վարկանիշային մրցաշարում նվաճել է 2018 թ. Բուենոս Այրեսի պատանեկան Օլիմպիական խաղերի ուղեգիր:

Վոդոպյանովան զբաղեցրել է 6-րդ հորիզոնականը: Մրցաշարին մասնակցել է 56 մարզիկ: Բուենոս Այրեսի պատանեկան Օլիմպիական խաղերը կկայանան հոկտեմբերի 6-18-ը: