Արցախի ֆինանսների նախարարությունը կհամալրվի նոր սերվերներով

ԵՐԵՎԱՆ, 14 ՓԵՏՐՎԱՐԻ, ԱՐՄԵՆՊՐԵՍ: ՀՀ ֆինանսների նախարարության հաշվեկշռում հաշվառված HP Proliant ML350R05 և ASR2500 մոդելի սերվերները կնվիրաբերվեն Արցախի Հանրապետության ֆինանսների նախարարությանը: «Արմենպրես»-ի փոխանցմամբ, այդ մասին որոշման նախագիծն ընդգրկված է կառավարության փետրվարի 15-ի նիստի օրակարգում:

Որոշման նպատակն է արդիականացնել ԱՀ ֆինանսների նախարարության տեղեկատվական տեխնոլոգիաների ոլորտը, ինչպես նաև ապահովել ենթակառուցվածքների զարգացումը: