1 րոպեի ընթերցում
ԵՐԵՎԱՆ, 1 ՓԵՏՐՎԱՐԻ, ԱՐՄԵՆՊՐԵՍ: Ժնևում գտնվող Մարզական վճռաբեկ դատարանը՝ CAS, բավարարել է 28 ռուսաստանցի օլիմպիական մարզիկների բողոքարկումը և չեղարկել է նրանց ցմահ որակազրկումը Օլիմպիական խաղերին մասնակցելուց։ Ինչպես փոխանցում է «Արմենպրես»-ը, վկայակոչելով «Սպորտ-էքսպրես»-ը, դատական լսումները տեղի են ունեցել հունվարի 22–ից 27–ը։
Լեգկովի, Տրետյակովի, Կրյուկովի և Սոչի–2014–ի Օլիմպիական խաղերի մյուս ռուս մասնակիցների արդյունքները վերականգնվել են։ Նրանք իրավունք կունենան ապագայում մասնակցել Օլիմպիական խաղերի։ Նրանց կվերադարձվեն Սոչիի օլիմպիական մեդալները։
Միջազգային օլիմպիական կոմիտեն Վճռաբեկ դատարանի որոշման կապակցությամբ իր հիասթափությունն է հայտնել և հայտարարել, որ պատրաստվում է որոշումը վիճարկել Շվեյցարիայի Դաշնային դատարանում: Միաժամանակ, հայտնի է, որ CAS–ի որոշումը սպորտում համարվում է վերջնական և անբեկանելի: