Standard&Poor’s-ն ադրբեջանական մանաթի հետագա արժեզրկում է կանխատեսում

ԵՐԵՎԱՆ, 29 ՀՈՒՆՎԱՐԻ, ԱՐՄԵՆՊՐԵՍ: Standard&Poor’s միջազգային վարկանիշային գործակալության կանխատեսմամբ` 2019-2021թթ. ադրբեջանական մանաթը շարունակելու է արժեզրկվել:

Այս մասին, ինչպես հաղորդում է «Արմենպրես»-ը, հայտնում է ադրբեջանական Marja.az-ը:

S&P գործակալության կանխատեսման համաձայն` 2018թ-ին Ադրբեջանում դոլարի միջին փոխարժեքը կկազմի 1,70 մանաթ:

Գործակալության վերլուծաբանների կանխատեսումների համաձայն` 2019թ-ից սկսած կնկատվի դոլարի փոխարժեքի աճ մանաթի նկատմամբ:

Մասնավորապես, Ադրբեջանում մեկ դոլարի միջին փոխարժեքը 2019թ-ին կանխատեսվում է 1,79 մանաթ, 2020թ-ին` 1,87 մանաթ, 2021թ-ին 1,97 մանաթ:

2018թ-ի հունվարի 29-ի դրությամբ Ադրբեջանում դոլարի փոխարժեքը կազմում է 1,7001 մանաթ: