1 րոպեի ընթերցում
ԵՐԵՎԱՆ, 26 ԴԵԿՏԵՄԲԵՐԻ, ԱՐՄԵՆՊՐԵՍ: Սաուդյան Արաբիայի մայրաքաղաք Էր Ռիադում մեկնարկում ենարագ և կայծակնային շախմատի տղամարդկանց և կանանց աշխարհի առաջնությունները:
«Արմենպրես»-ի հաղորդմամբ` տղամարդկանց առաջնությունում Հայաստանը ներկայացնում են Լևոն Արոնյանը, Գաբրիել Սարգսյանը, Զավեն Անդրիասյանը, Տիգրան Լ. Պետրոսյանը, Հրանտ Մելքումյանը և Սերգեյ Մովսեսյանը: Կանանց մրցաշարին կմասնակցեն Էլինա Դանիելյանը, Լիլիթ Մկրտչյանը, Լիլիթ Գալոյանը և Մարիա Գևորգյանը:
Արագ շախմատի 1-5-րդ տուրերը կկայանան դեկտեմբերի 26-ին: Արագ շախմատի մրցաշարը բաղկացած է 15 տուրից: Կայծակնայինը` 21 տուրից: